«Бавария» дарвозабони Мануэль Нойер клуб билан шартномасини узайтиришга тобора яқинлашмоқда. 40 ёшли футболчи фаолиятини давом эттиришга қарор қилди, бу ҳақда турли манбалар хабар бермоқда.

Журналист Николо Скиранинг маълумотларига кўра, Мюнхен клуби раҳбариятида ҳеч қандай шубҳа қолмаган: клуб сардор янги шартномага қўл қўйишига ва яна бир мавсум жамоада қолишига ишонмоқда. Келишув амалга ошгани ҳақида яқин орада расман эълон қилиниши мумкин.

Мануэль Нойер 2011 йилдан бери «Бавария» шарафини ҳимоя қилиб келмоқда. Жорий мавсумда Венсан Компани жамоасининг барча турнирлардаги 34 та ўйинида иштирок этган дарвозабон ўз дарвозасидан 33 та тўп олиб чиқди ва 11 та ўйинда дарвозаси дахлсизлигини сақлаб қолди.