Агар тарихий миқёсдаги мўъжиза рўй бермаса, «Барселона» Ла Лига чемпионлик унвонини ҳимоя қилиш арафасида турибди.
Жума куни Мадриднинг «Реал» клуби «Бетис»ни мағлуб эта олмай (1:1), олтин медаллар учун бўлган сўнгги умидларини деярли йўққа чиқарди. Альваро Арбелоа жамоаси ўйиннинг энг сўнгги дақиқаларида гол ўтказиб юборди. Opta суперкомпьютерининг баҳолашига кўра, эндиликда «қаймоқранглилар»нинг чемпион бўлиш эҳтимоли бор-йўғи 1,2 фоизни ташкил этмоқда. Тегишли равишда, «Барса»нинг имкониятлари — 98,8 фоиз.
Каталонияликлар турнир жадвалида мадридликлардан саккиз очкога олдинда бормоқда, бироқ бугуннинг ўзида орадаги фарқни 11 очкога етказиб қўйишлари мумкин — бунинг учун сафарда «Хетафе»ни мағлуб этиш талаб этилади. Учрашув Тошкент вақти билан соат 19:15 да бошланади.
