«Милан» ёзги трансфер ойнасида икки нафар футболчи билан хайрлашишни режалаштирмоқда. TUTTOmercatoWEB берган маълумотларга кўра, «россонерилар» раҳбарияти марказий ярим ҳимоячи Ардон Яшари ва ҳужумчи Кристофер Нкункунинг ўйинидан норози.

Манбанинг хабар беришича, Италия клуби ушбу футболчиларнинг трансфери бўйича таклифларни кўриб чиқишга тайёр. «Милан» Нкунку ва Яшари учун сарфланган харажатларни қоплашга умид қилмоқда — клуб уларни сотиб олиш учун жами 80 миллион еврога яқин маблағ сарфлаган эди.

Жорий мавсумда Яшари 13 та ўйинда майдонга тушиб, битта голли узатмани амалга оширди. Швейцариялик футболчи асосий таркиб учун рақобатда Лука Модрич ва Самуэле Риччига имкониятни бой берди.

Нкунку эса 30 та учрашувда иштирок этди — франциялик форвард ҳисобида олтита гол ва учта ассист мавжуд.