Мюнхеннинг «Бавария» клуби ҳужумчиси Ҳарри Кейн Германия Бундеслигасида сермаҳсуллик намойиш этишда давом этмоқда. 31-тур доирасида кечган «Майнц»га қарши баҳсда (4:3) инглиз форварди ўз ҳисобига навбатдаги голни ёздириб қўйди.

Бу Кейн учун жорий мавсум Бундеслигадаги 33-гол бўлди. Эндиликда футбол ишқибозларини бир савол қизиқтирмоқда: Ҳарри Кейн Роберт Левандовскига тегишли бўлган тарихий рекордни янгилай оладими?

Маълумот учун, Германия чемпионатида бир мавсумда гол уриш бўйича мутлақ рекорд «Бавария»нинг собиқ ҳужумчиси Роберт Левандовскига тегишли бўлиб, у 2020/21 йилги мавсумда рақиблар дарвозасини 41 бор ишғол этган эди. Жорий мавсум якунига қадар «Бавария» яна 3 та учрашув ўтказади. Демак, Кейн рекордни янгилаши учун қолган баҳсларда камида 9 та гол уриши талаб этилади.