Италиянинг «Милан» клуби собиқ ҳужумчиси Марко Симоне Рафаэл Леауни Питер Пэн деб атади. Бу билан у португалиялик футболчининг ҳамон улғайишни истамаётганига шаъма қилди.
«У марказий ҳужумчи ролини уддалай олишига ишончим комил эмас, бу позицияда унинг имкониятлари чекланиб қолади ва истеъдоди беҳуда сарфланади. У топ-ўйинчи бўлиши мумкин, аммо менинг назаримда, у абадий Питер Пэн бўлиб қолмоқда», — дея Марко Симоненинг сўзларидан иқтибос келтирмоқда derbyderbyderby.it.
Эслатиб ўтамиз, Рафаэл Леау 2019 йилдан бери «Милан» шарафини ҳимоя қилиб келмоқда. Бунгача у Франциянинг «Лилль» ва Португалиянинг «Спортинг» клубларида тўп тепган.
