Мадриднинг «Атлетико» клуби дарвозабони Ян Облак жамоасининг Чемпионлар лигасидаги имкониятлари ва ўтмишдаги аламли мағлубиятлар ҳақида фикр билдирди. Маълумки, «матрасчилар» Диего Симеоне бошқарувида икки бор мусобақа финалига чиқиб, иккаласида ҳам имкониятни бой беришган.
«Мен футболга ким кимдан қарздор, бу адолатданми ёки йўқ — бундай призма орқали қарамайман. Футбол биздан қарздор деб ўйламайман. Шунчаки майдонга тушишимиз ва керакли натижани ўзимиз қўлга киритишимиз лозим. Ғалаба ўз-ўзидан қўлимизга келиб қолмайди», — дея словениялик посбоннинг сўзларини келтиради Marca нашри.
Эслатиб ўтамиз, «Атлетико» Мадрид 2025/2026 йилги мавсумда ҳам ярим финалга қадар етиб келди. Симеоне шогирдлари эртага, 29 апрель куни Мадридда Лондоннинг «Арсенал» клубига қарши дастлабки баҳсда майдонга тушишади. Жавоб ўйини бир ҳафтадан сўнг Лондонда бўлиб ўтади.
