Мадриднинг «Реал» клуби ва Бразилия терма жамоаси ҳимоячиси Эдер Милитао АҚШ, Мексика ва Канада мезбонлик қиладиган Жаҳон чемпионатида иштирок эта олмайди. Бу ҳақда таниқли инсайдер Фабрицио Романо «қаймоқранглилар» мураббийлар штабининг қарорига таяниб хабар бермоқда.
Манбанинг берган маълумотига кўра, Милитао бугун Финляндияда операция қилинади. Бразилиялик футболчи фақат октябрь ойига бориб сафга қайтиши мумкин.
Бу Милитао учун жорий мавсумдаги тўртинчи жароҳатдир. 2025/2026 йилги мавсумда у саломатлигидаги турли муаммолар туфайли 27 та ўйинни ўтказиб юборди.
Таъкидлаш жоизки, ЖЧ-2026 гуруҳ босқичида Бразилия терма жамоаси Марокаш, Гаити ва Шотландия миллий жамоалари билан кураш олиб боради.













