Лондоннинг «Арсенал» клуби Мадриднинг «Реал» жамоаси ҳужумчиси Эндрик ва унинг атрофидаги вазиятни диққат билан кузатиб бормоқда. Mundo Deportivo нашрининг хабар беришича, агар «қаймоқранглилар» раҳбарияти бразилиялик футболчи билан хайрлашишга тайёр бўлса, лондонликлар уни шу ёздаёқ сотиб олишга ҳаракат қилишади.

Жорий мавсумда 19 ёшли бразилиялик ижара асосида «Лион» клубида тўп тепмоқда. У ушбу клуб сафида барча турнирларда 18 та расмий ўйинда майдонга тушиб, 7 та гол ва 7 та голли узатмага муаллифлик қилишга улгурди.

Transfermarkt «канонирлар»нинг эҳтимолий янги аъзосини 35 миллион еврога баҳоламоқда, унинг «Реал» билан шартномаси эса яна тўрт йил давом этади. Таъкидлаш жоизки, «Реал» ва «Лион» ўртасидаги ижара шартномасида футболчини сотиб олиш ҳуқуқи кўзда тутилмаган.