Мадриднинг «Реал» клуби вингери Франко Мастантуоно Мадридга кўчиб ўтганидан бор-йўғи бир йил ўтиб, жамоани тарк этиши мумкин. Аргентиналик футболчи учун Европадаги дебют мавсуми кўнгилдагидек кечмади: у майдонда кам кўриниш бермоқда, шу сабабли матбуотда унинг эҳтимолий кетиши ҳақидаги гап-сўзлар тинмаяпти.
Defensa Central нашрининг маълумотларига кўра, Мастантуоно ҳали ҳам «Реал»ни тарк этишни хоҳламайди, бироқ истар-истамас «Ривер Плейт»га қайтиш имкониятини кўриб чиқмоқда. 18 ёшли футболчи ўзи учун мунтазам ўйин амалиёти зарурлигини тушуниб турибди. «Қаймоқранглилар» Мастантуононинг сотиб юборилишига рози бўлишлари амримаҳол, бироқ ижара бўйича таклифларни кўриб чиқишлари мумкин. Футболчининг клуб билан шартномаси 2031 йилгача мўлжалланган.
