Мюнхеннинг «Бавария» клуби бош мураббийи Венсан Компани Чемпионлар лигаси дастлабки ярим финали доирасидаги «ПСЖ»га қарши ўйиндан (4:5) сўнг, дарҳол кийиниш хонасига йўл олди. Немис клубининг ижтимоий тармоқларидаги маълумотларга кўра, Компани футболчиларга кўрсатилган ўйин учун миннатдорчилик билдирган. Қайд этилишича, Компани «Бавария»нинг турнир финалига чиқиш имкониятига катта оптимизм билан қарамоқда.

«У биз билан фахрланишини айтди — ҳисобни қисқартирганимиз, майдондаги шиддатимиз ва кўрсатган сифатли ўйинимиз унга манзур бўлган. Шунингдек, у Мюнхендаги баҳсни интиқлик билан кутаётганини таъкидлади», — деди «Бавария» матбуот хизматига ярим ҳимоячи Александр Павлович.

«ПСЖ»га қарши баҳс давомида мюнхенликлар 2:5 ҳисобида мағлуб бўлаётган эдилар. «Бавария» таркибида голларни Кейн, Олисе, Упамекано ва Диас киритишди.