Мюнхеннинг «Бавария» клуби спорт директори лавозимида фаолият юритаётган Макс Эберль Чемпионлар лигаси ярим финали доирасидаги «ПСЖ»га қарши ўйин (4:5) натижасига муносабат билдирди.
Функционернинг сўзларига кўра, ҳисоб 5:2 кўринишини олганда, парижликлар худди финалга чиқиб бўлгандек ғалабани нишонлай бошлашган.
«Бундай вазиятда ва шундай мухлисларга қарши ўйинда иккита тўп фарқини йўққа чиқариш — бу алоҳида ҳодиса. Бу жамоанинг характерини белгилаб беради ва жавоб ўйинида бизга айнан шу хислат керак бўлади», — дея Эберлнинг сўзларини келтиради Bayern & Germany.
Эслатиб ўтамиз, ярим финалнинг жавоб учрашуви 6 май куни Германияда бўлиб ўтади. Ўйин Тошкент вақти билан тунги соат 00:00 да бошланади.
