Суд Маркус Рэшфордни ирқий камситган ва ҳақорат қилган мухлисга нисбатан жазо тайинлади.

25 сентябрь куни «Барселона» сафарда «Реал Овьедо»ни 3:1 ҳисобида мағлуб этган эди. Учрашув давомида мезбонларнинг мухлисларидан бири меҳмонлар ҳужумчиси Рэшфордга нисбатан қора танлиларни камситувчи «negrata» сўзини ишлатиб, уни ҳақорат қилган.

Айблов томони ушбу шахс учун 1 йил-у 3 ойлик қамоқ жазосини сўраган эди. Бугун суд айбланувчини 9 ойлик қамоқ жазосига ҳукм қилди. Шунингдек, мухлис олти ой давомида ҳар куни 5 евро миқдорида жарима тўлашга мажбурланди.

Бундан ташқари, ушбу мухлис 3 йил-у 9 ой давомида спорт, таълим ва кўнгилочар соҳаларда ишлай олмайди. Унга 3 йил давомида футбол ўйинларига ташриф буюриш ҳам тақиқланди.