«Реал Мадрид» клубининг собиқ футболчиси ва таниқли эксперт Стив Макманаман ВАР (видеоёрдамчи ҳакам) тизими футболда керакли даражада ишламаётганини таъкидлади.
Макманаманнинг фикрича, Чемпионлар лигаси ярим финали доирасидаги «Атлетико» ва «Арсенал» (1:1) учрашувида ҳакам Мадрид клуби дарвозасига белгилаган иккинчи пенальтини бекор қилмаслиги керак эди. Эксперт бош ҳакамнинг дастлабки қарорида аниқ ва яққол хато бўлмаганини, шу боис видеоассистентлар вазиятга аралашиши нотўғри бўлганини билдирди.
«Биз ВАР тизими билан боши берк кўчага кириб қолдик. Ҳакам томонидан белгиланган пенальти мутлақо қонуний эди ва ҳаммаси шу билан якунланиши лозим эди. Бундай вазиятларда тизимнинг аралашуви ўйин табиатига зид», — дея Макманаманнинг сўзларини келтирмоқда TNT Sports.
Эслатиб ўтамиз, «Атлетико» ва «Арсенал» жамоалари ўртасидаги баҳс 1:1 ҳисобида якунланди. Учрашув давомида меҳмонлар фойдасига белгиланган иккинчи пенальти ВАР текширувидан сўнг бекор қилинган эди.
