Европанинг топ-7 лигалари футболчилари орасида «ПСЖ» аъзоси Витинья (26 ёш) ҳар 90 дақиқада амалга оширилган аниқ узатмалар сони бўйича 98.04 кўрсаткич билан рейтингни бошқариб бормоқда.
Рейтингда ундан кейинги ўринларни Алейш Гарсия («Байер Леверкузен», 28 ёш) 86.96 кўрсаткич билан, Жошуа Киммих («Бавария», 31 ёш) 84.44 ва унинг жамоадоши Александар Павлович (21 ёш) 83.09 кўрсаткич билан эгаллаб турибди. Кучли бешликни «Барселона»нинг 19 ёшли ҳимоячиси Пау Кубарси 77.08 кўрсаткич билан якунлаб берган.
Витинья ва бошқа таъқибчилар ўртасидаги фарқ сезиларли даражада катта — у иккинчи ўриндаги футболчидан ҳар ўйинда ўртача 11 та кўпроқ аниқ узатма бермоқда. Бу кўрсаткич португалиялик ярим ҳимоячининг «ПСЖ» ҳужумларини ташкил этишдаги марказий ролини яққол кўрсатиб беради.
