Юлдуз ҳужумчи Лионель Месси яқинда Испаниянинг бешинчи дивизионида иштирок этувчи «Корнелья» клуби эгасига айланди. «Интер Майами» футболчиси «Корнелья» ўйинчилари учун махсус видеомурожаат йўллади.
«Салом. Мен шунчаки ўзимни таништириш ва барчангиз билан саломлашиш учун ушбу видеони ёздим. Шуни билингки, биз бу ерга ривожланиш ва сизни барча керакли нарсалар билан қўллаб-қувватлаш учун келганмиз. Ушбу янги лойиҳадан жуда мамнунмиз», — дея Мессининг сўзларидан иқтибос келтирмоқда The Touchline нашри.
Лионель Месси саккиз карра «Олтин тўп» соҳиби ҳисобланади. Аргентиналик юлдузнинг «Интер Майами» билан амалдаги шартномаси 2028 йилнинг ўрталарига қадар мўлжалланган.
