«Реал Мадрид» футболчилари Килиан Мбаппе етарлича етакчилик фазилатларини намоён эта олмаяпти деб ҳисоблашмоқда, дея хабар берди COPE журналисти Хуанма Кастаньо.
«Реал»нинг ёпиқ эшиклари ортида Мбаппени кутилганидек етакчи эмас деб ҳисоблашмоқда. У на кийиниш хонасида ва на майдонда бошқа ўйинчилар учун сардорлик ролини бажара олмаяпти. Улар Килиандан кўпроқ нарса кутишган эди», — деди Кастаньо El Partidazo de COPE эфирида.
Журналистнинг сўзларига кўра, франциялик ҳужумчига бу борада катта умид боғланган эди, чунки мадридликларнинг яна бир юлдузи Винисиус Жуниорни «ҳимоя қилиш ва унга кўз-қулоқ бўлиб туриш» керак.
