«Барселона» бош мураббийи Ханси Флик Ла Лиганинг 34-туридан ўрин олган «Осасуна»га қарши баҳс олдидан матбуот анжуманида иштирок этди. Учрашув 2 май куни Тошкент вақти билан соат 23:00 да бошланади.
Рақиб ҳақида тўхталар экан, мутахассис шундай деди:
«Бу мен учун муҳим ўйин. Биз ғалаба қозонишни истаймиз. "Осасуна" — ажойиб рақиб, уларнинг стадионида ўзгача муҳит ҳукмрон, таркибида эса кучли ҳужумчи бор... Биз бор эътиборимизни фақат шу ўйинга қаратишимиз керак», — дея Фликнинг сўзларини келтирмоқда Barcacentre.
