Италиянинг «Милан» клуби собиқ футболчиси Рууд Гуллит италиялик журналистлар томонидан тез-тез танқид қилинаётган португалиялик ҳужумчи Рафаэль Леау ҳақида ўз фикрлари билан ўртоқлашди. Гуллитнинг ҳисоблашича, футболчининг барча иқтидори ва жисмоний имкониятларига қарамай, унинг хаёли футбол билан банд эмас.
«Леау — буюк ўйинчи, лекин унинг калласида шубҳа ва чалғитувчи ўйлар бор. Менда шундай таассурот уйғонмоқда. Унинг диққат-эътиборини жамлаганини кўрмаяпман. Жуда беқарор. Бир ўйинни 9 баллга ўтказса, бошқасида 4 баллга лойиқ ўйнайди», — дея Гуллитнинг сўзларидан иқтибос келтиради piantamilan.it нашри.
Эслатиб ўтамиз, португалиялик футболчи 2019 йилдан бери «Милан» шарафини ҳимоя қилиб келмоқда.
