«Ливерпуль» бош мураббийи Арне Слотдан жорий мавсумга баҳо беришини сўрашди. «Қизиллар» учун ушбу мавсум аввалгисига қараганда анча омадсиз кечмоқда. Ҳозирда мерсисайдликлар Премьер-лига турнир жадвалида тўртинчи ўринни эгаллаб турибди, чемпионат якунига эса тўртта тур қолди.

«Мавсумни қандай баҳолайман? Бу қолган тўртта ўйин натижасига боғлиқ. Албатта, мен доимий равишда ўз ишимни таҳлил қиламан. Парижда бешта ҳимоячи билан ўйнаш тўғри қарормиди? У ёки бу футболчини майдонга туширишда хато қилмадимми? Машғулотларда 11 га 11 ўйин ўтказиш керакмиди ёки кичик жамоаларга бўлинган маъқулмиди? Бу тўхтовсиз жараён — ҳар куни 40-50 та танловни амалга оширишга тўғри келади ва кейин уларни ўзинг баҳолайсан. Якунда ҳаммаси "Мавсум қандай ўтди?" деган саволга тақалади. Менда аллақачон маълум бир фикр шаклланган, аммо қолган тўртта ўйин натижаси мавсум якунида ўзимга берадиган баҳони тубдан ўзгартириб юбориши мумкин», — деди Слот матбуот анжуманида.

Якшанба куни «Ливерпуль» сафарда «Манчестер Юнайтед»га қарши баҳс олиб боради.