«Бавария» ярим ҳимоячиси Леон Горецка Мюнхен жамоасидаги энг ёдда қолган даври ҳақида гапириб берди. Маълумот учун, футболчи ёзда баварияликлар сафини тарк этади.
«COVID-19 туфайли юзага келган танаффусдан кейинги даврда, биз жамоа бўлиб бирин-кетин рекордларни янгиладик, Чемпионлар лигасида ғалаба қозондик ва "требл" қайд этдик. Афсуски, буларнинг аксарияти бўш трибуналар остида содир бўлди. Бу ҳақиқатан ҳам ачинарли эди. Ўшандан бери худди шундай мавсумни яна бир бор, лекин энди мухлислар билан биргаликда бошдан кечириш мен учун катта мотивацияга айланди. Шу сабабли ҳам қишда мавсум якунигача қолишга қарор қилгандим. Мен 2020 йилги муваффақиятни (ЕЧЛдаги ғалаба назарда тутилмоқда — таҳр.) айнан мухлисларимиз билан бирга такрорлашни жуда истайман. Бу ўзгача воқеа бўлган бўларди», — дея Горецканинг сўзларини келтирмоқда Мюнхен клуби расмий сайти.
