«Манчестер Юнайтед» мавсумни бирорта совринсиз якунлайдиган бўлди.

Майкл Кэррик бошчилигидаги жамоа бугун АПЛда ғолиб чиқиш имкониятидан бутунлай маҳрум бўлди. Манкунианликлар аввалроқ Лига Кубогини 2-раундда, Англия Кубогини эса 3-раундда тарк этишган эди. Ушбу мавсумда клуб еврокубокларда иштирок этмади.

Шу тариқа, «МЮ» кетма-кет иккинчи мавсумни совринсиз ўтказадиган бўлди. Жамоанинг охирги муваффақиятлари Эрик тен Хаг даврига тўғри келади: 2023/24 йилги мавсумда «Юнайтед» Англия Кубогини, 2022/23 йилги мавсумда эса Лига Кубогини қўлга киритган эди. Нидерландиялик мутахассис 2024 йилнинг октябрь ойида истеъфога чиқарилган эди.