«Ливерпуль» «Наполи» ҳимоячиси Сэм Бекемани сотиб олиш бўйича таклиф юборди, дея хабар бермоқда AreaNapoli нашри.
Манба берган маълумотларга кўра, 27 ёшли нидерландиялик футболчининг трансферини инглиз клуби бош мураббийи, унинг ҳамюрти Арне Слот шахсан талаб қилмоқда. «Ливерпуль» ҳозирги ўйинчиларга қўшимча рақобат яратиш мақсадида янги марказий ҳимоячи қидирмоқда.
«Ливерпуль» томонидан Бекема учун таклиф қилинган сумма 28 миллион еврони ташкил этди. Шу билан бирга, «Наполи» бош мураббийи Антонио Конте ушбу фойдали келишувга қаршилик қилмаслигини билдирган.
Бекема «Наполи» сафида 2025 йилнинг июлидан буён ўйнаб келмоқда, унинг амалдаги шартномаси 2026 йил 30 июнгача мўлжалланган. 2025/26 йилги мавсумда ҳимоячи 31 та ўйинда майдонга тушиб, битта гол муаллифига айланди.
Transfermarkt портали футболчининг трансфер қийматини 25 миллион еврога баҳоламоқда.
