Стивен Уорнокнинг фикрича, «Тоттенхэм» Роберто Де Дзербини бош мураббий лавозимига анча олдинроқ тайинлаши лозим эди.

Лондонликлар айни дамда АПЛда 18-ўринни эгаллаб туришибди ва лигада қолиш зонасидан 2 очко орқада қолмоқдалар. Бугун ушбу жамоа Премьер-лиганинг 35-тури доирасида «Астон Вилла»га қарши майдонга тушади.

— Мен Де Дзербини ажойиб мураббий деб ҳисоблайман. Ҳақиқатан ҳам шундай. Тўғри, у баъзида зиддиятли шахсга айланади, парда ортида муаммолари бўлиши мумкин, аммо майдондаги иши ва жамоаларининг ўйини ҳақида гапирадиган бўлсак, у жуда иқтидорли мутахассис.

«Тоттенхэм»нинг энг катта хатоси — Де Дзерби каби мураббийни чақиришдан олдин Игор Тудорни тайинлагани бўлди. Агар Де Дзербига Тудорга берилган вақт тақдим этилганида, «шпорлар» ҳозиргидек аянчли ҳолатга тушиб қолмаган бўларди деб ўйлайман, — деди «Ливерпуль» ва «Астон Вилла»нинг собиқ ҳимоячиси.