«Барселона» вингери Рафинья Диас жароҳатидан сўнг майдонга қайтишга тайёр. 29 ёшли футболчи сонидан олган жароҳатини даволаб бўлди ва март ойидан бери илк бор «Осасуна»га қарши кечган сўнгги ўйинда «кўк-анорранглилар» қайдномасига киритилди, бироқ захира ўриндиғида қолди.

Mundo Deportivo нашрининг хабарига кўра, агар бирор кутилмаган ҳолат юз бермаса, бразилиялик футболчи бўлажак «Эл-Класико»да захирадан майдонга тушади. «Реал» билан учрашув келаси якшанба, 10 май куни бўлиб ўтади. Агар Ханс-Дитер Флик шогирдлари «Камп Ноу»да «қаймоқранглилар»га имкониятни бой беришмаса, муддатидан олдин Ла Лига чемпионлигини қўлга киритишади.

Маълумот учун, Рафинья жорий мавсумда «Барса» сафида 31 та учрашувда майдонга тушиб, 19 та гол ва 8 та голли узатмани ўз ҳисобига ёздириб қўйган.