Мадриднинг «Реал» клуби бош мураббийи Альваро Арбелоа жамоанинг гол ўтказиб юбормаган ўйинлар серияси тиклангани ҳақида гапирди.

«Қаймоқранглилар» Ла Лиганинг 34-тури доирасида Винисиус Жуниорнинг дубли эвазига «Эспаньол» устидан ғалаба қозонишди (2:0). Мадридликлар учун бу қарийб уч ой ичида чемпионатдаги илк «қуруқ» ўйин бўлди — жамоа кетма-кет ўнта учрашувда ўз дарвозаси дахлсизлигини сақлаб қола олмаётган эди.

«Ҳозиргина ёнимдан Дин Хёйсен ўтиб кетди — у дарвозамиздан тўп олиб чиқмаганимиздан жуда хурсанд эди. Бу биз учун гол ўтказиб юбормаслик қанчалик муҳим бўлганини кўрсатади. Биз анчадан бери «қуруқ» ўйин ўтказмаган эдик. Ниҳоят бунинг уддасидан чиққанимиздан хурсандман», — дея Арбелоанинг сўзларини келтирмоқда The Touchline.

10 май куни «Реал» сафарда «Барселона»га қарши майдонга тушади.