Миланнинг «Интер» клуби Италия чемпионига айланди. Бу якшанба оқшомида «Парма» устидан қозонилган 2:0 ҳисобидаги ғалабадан сўнг ойдинлашди. Кристиан Киву жамоа бошқарувига келган илк мавсумидаёқ чемпионлик титулини қўлга киритди. У клуб тарихида иш бошлаган биринчи йилида Скудеттони ютган бешинчи мураббий бўлди.

Бунгача ушбу натижани Арпад Вейшц (1929/1930 йилги мавсум), Альфредо Фони (1952/1953), Жованни Инверницци (1970/1971) ва машҳур португалиялик Жозе Моуриньо (2008/2009) қайд этган эди. Энди эса руминиялик мутахассис ҳам уларнинг сафига қўшилди.

Эслатиб ўтамиз, Миланнинг «Интер» клуби ўз тарихида жами 21 марта Скудеттога эга чиққан.