Мадриднинг «Реал» клуби мухлислари франциялик ҳужумчи Килиан Мбаппени жамоадан четлатиш талаби билан онлайн-петиция яратишди. Бу ҳақда Foot Mercato нашри хабар бермоқда.

Нашрнинг қайд этишича, петиция пайдо бўлган биринчи соатнинг ўзидаёқ 70 000 киши унга имзо чеккан, ваҳоланки ташкилотчилар дастлаб 50 000 тадан кўп бўлмаган имзо тўпланишини кутишган эди. Ҳозирда петиция остида қолдирилган имзолар сони 142 000 тага етди.

Аввалроқ, «Реал»даги кўпчилик Мбаппедан норози экани маълум бўлган эди. Хусусан, француз Винисиус Жуниор билан бир вақтда майдонга тушишни истамаётгани, ўз мақомини суиистеъмол қилаётгани ҳамда машғулотлар жараёнида ходимларга нисбатан менсимай муносабатда бўлаётгани ҳақида маълумотлар пайдо бўлди.