«Реал» жамоа машғулотида ярим ҳимоячилар Федерико Вальверде ва Орельен Тчуамени ўртасида содир бўлган низо юзасидан расмий баёнот эълон қилди.
Аввалроқ, Мадрид клуби машғулоти вақтида футболчилар ўзаро муштлашиб қолгани хабар қилинган эди. Воқеадан сўнг Вальверде шифохонага олиб борилган ва у ерда футболчининг жароҳатига чок қўйилган.
«Бугун эрталаб асосий жамоа машғулотида юз берган ҳодисалардан сўнг, «Реал» клуби футболчиларимиз Федерико Вальверде ва Орельен Тчуаменига нисбатан интизомий иш очишга қарор қилди.
Клуб тегишли ички жараёнлар якунлангач, ҳар икки ҳолат бўйича қабул қилинган қарорлар ҳақида ўз вақтида маълумот беради», — дейилади мадридликлар сайтида эълон қилинган баёнотда.
