«Астон Вилла» бош мураббийи Унаи Эмери олтинчи марта УЕФА Европа лигаси финалига йўл олди.
Пайшанба куни бирмингемликлар ўз майдонида «Ноттингем Форест»ни 4:0 ҳисобида йирик ҳисобда мағлуб этди. Илк ўйиндаги 0:1 мағлубиятдан кейин икки ўйин натижасига кўра ярим финалда ғалаба қозониб, кейинги босқичга чиқди.
Аввалроқ Эмери бошқарувидаги жамоалар беш марта УЕФА Европа лигаси финалига чиқиб, тўрт марта чемпион бўлишган. Шу орқали испаниялик мураббий ўзининг Европа Лигаси финалларига чиқиш бўйича шахсий рекордини янгилади.
Унаи Эмери еврокубоклар финалига чиқиш бўйича Карло Анчелотти, Алекс Фергюсон ва Жозе Моуриньонинг натижасини такрорлади.
«Астон Вилла» УЕФА Европа лигаси финалида немисларнинг «Фрайбург» жамоасига қарши майдонга тушади. Учрашув 20 май куни Истанбулда бўлиб ўтади.













