Мадриднинг «Реал» клуби машғулотдаги муштлашувдан сўнг ярим ҳимоячилар Федерико Вальверде ва Орельен Тчуамени билан хайрлашиш ниятида эмас. Бу ҳақда El Mundo нашри хабар бермоқда.
«Қироллик клуби» раҳбарияти уругвайлик ва франциялик футболчиларга узоқ муддатли истиқболда ишонч билдирмоқда. «Қаймоқранглилар» Вальверде ва Тчуаменини келаси мавсумларда жамоанинг асосий ўйинчилари сифатида кўришмоқда.
Эслатиб ўтамиз, футболчилар ўртасидаги келишмовчилик пайшанба, 7 май куни содир бўлган эди. Муштлашув пайтида Федерико бошидан жароҳат олган ва унга шифокор ёрдами талаб этилганди.
«Реал» ўзининг навбатдаги учрашувини «Камп Ноу» стадионида «Барселона»га қарши ўтказади. Баҳс якшанба, 10 май куни бўлиб ўтади.
