«Барселона» ҳужумчиси Рафинья Диас ўз ҳолати ҳақида фикр билдирди.

«Мен бир ҳафтадан ортиқ вақтдан бери жамоа билан машғулот ўтказяпман. Тўлиқ машғулотларда қатнаша оляпман, шунинг учун «Реал»га қарши ўйинда бир неча дақиқа бўлса ҳам майдонда ҳаракат қилишдан умидворман. Албатта, бутун ўйин давомида ўйнашни истардим, лекин ўз имкониятларимни тўғри баҳолашим керак», — дея Рафиньянинг сўзларини Barça Universal келтирмоқда.

Жорий мавсумда Рафинья барча мусобақаларни ҳисобга олган ҳолда 31 та ўйинда иштирок этиб, 19 та гол урди ва 8 та голли узатмани амалга оширди.

Испания Ла Лигаси 35-тури доирасидаги «Барселона» ва «Реал» ўртасидаги учрашув якшанба, 10 май куни бўлиб ўтади.