«ПСЖ» бош мураббийи Луис Энрике ўзининг туғилган куни олдидан кутилмаган қарор қабул қилди.
RMC Sport томонидан тасдиқланган Le Parisien нашри маълумотларига кўра, испаниялик мутахассис ўз жамоасини туғилган кунини нишонлаш учун Париждаги Зафар аркаси яқинида жойлашган Prunier ресторанига таклиф қилган. Бугун у 56 ёшни қарши олди.
Бироқ Энрикенинг ўзи у ерга келмади, парижликлар мутахассиснинг туғилган кунини усиз нишонладилар.
Қайд этилишича, мураббий шу тариқа футболчиларни Чемпионлар Лигаси финалига чиққанликларидан ўзаро баҳраманд бўлишлари учун ёлғиз қолдирган. «ПСЖ» турнирнинг ярим финалида икки ўйин натижасига кўра «Бавария»ни мағлуб этган эди.













