Мадриднинг «Реал» клуби марказий ҳимоячиси Давид Алаба ўзига янги жамоа қидиришда давом этмоқда. Австриялик футболчи мавсум якунланганидан кейин «қаймоқранглилар» сафини эркин агент сифатида тарк этади.
Журналист Фабрицио Романонинг маълумотига кўра, 33 ёшли футболчининг хизматлари Миланнинг «Интер» клубига таклиф қилинган, бироқ «нерадзуррилар» бу таклифни рад этишган. Италия гранди ҳимоя марказини кучайтириш учун бошқа номзодларни афзал кўрмоқда.
Аввалроқ Алабанинг номзоди «Ювентус»га ҳам таклиф қилингани ҳақида хабар берилган эди. Сўнгги йилларда футболчи жароҳатлардан азият чекмоқда: жорий мавсумда у «Реал» сафида барча турнирларда бор-йўғи 14 та ўйинда майдонга тушди холос.
