«Ливерпуль» бош мураббийи Арне Слот мухлислар билан юзага келган вазият ва жамоанинг келажаги ҳақидаги саволларга жавоб берди.

«Ҳа, мухлислар меҳрини яна қозонишимга ишонаман. Тўғри, бу мавсумда эмас — мухлисларнинг жорий мавсум борасидаги фикрини ўзгартириб бўлмайди. Аммо агар ёзги трансфер ойнасини режамиз асосида ўтказа олсак, кейинги мавсумда мутлақо бошқача жамоага айланишимизга 100 фоиз ишончим комил. Бу нафақат натижаларда, балки ўйинимизда ҳам акс этади. Нима қилиш кераклигини билиш бошқа, уни амалга ошириш бошқа, лекин ҳозир бизга нима етишмаётгани мен учун жуда аниқ», — дея мутахассиснинг сўзларини келтирмоқда This is Anfield нашри.

Эслатиб ўтамиз, «Ливерпуль» АПЛнинг 36-туридан сўнг 59 очко билан турнир жадвалида 4-ўринни эгаллаб турибди.