Англия Премьер-лигасининг 36-тури доирасида «Манчестер Сити» ўз майдонида «Брентфорд»ни қабул қилмоқда. Учрашувнинг 75-дақиқасида «шаҳарликлар» ўз устунлигини мустаҳкамлашга эришишди.
Жамоанинг тўпурар ҳужумчиси Эрлинг Холанд яқин масофадан рақиб дарвозасини ишғол этиб, ҳисобни 2:0 кўринишига келтирди. Ушбу гол норвегиялик футболчи учун жорий мавсумдаги 26-гол бўлди.
Шу тариқа, Холанд АПЛ тўпурарлар пойгасидаги етакчилигини янада мустаҳкамлаб олди. Диққатга сазовор жиҳати шундаки, айни дамда тўпурарлар рўйхатида иккинчи ўринда бораётган Игор Тьяго айнан «Брентфорд» шарафини ҳимоя қилади. Бразилиялик ҳужумчи ҳисобида ҳозирча 22 та гол мавжуд.
