Испания Ла Лигасининг 35-тури доирасида Бильбаонинг "Атлетик" клуби ўз майдонида "Валенсия"ни қабул қилди ва кичик ҳисобда мағлубиятга учради.

Учрашув тақдирини ҳал қилган ягона гол 72-дақиқада меҳмонлар ҳужумчиси Умар Садик томонидан киритилди. Эътиборли жиҳати шундаки, баҳснинг 27-дақиқасида "Валенсия" ҳужумчиси Уго Дуро пенальтидан унумли фойдалана олмаган эди.

Ушбу натижадан сўнг "Атлетик" 44 очко билан турнир жадвалининг 9-поғонасида қолди. "Валенсия" эса очколари сонини 42 тага етказиб, 12-ўринга кўтарилиб олди.

Навбатдаги турда "Атлетик" 13 май куни сафарда "Эспаньол" меҳмони бўлади. "Валенсия" эса 14 май куни ўз уйида "Райо Вальекано"ни қабул қилади.

«АТЛЕТИК» — «ВАЛЕНСИЯ» — 0:1

Гол: Умар Садик 72 (0:1).

Амалга оширилмаган пенальти: Уго Дуро 27 (дарвозабон).

«Атлетик»: Симон, Альварес, Ляпорт (Вивиан, 46), Берчиче, Горосабель, Хаурегисар, Рего (Весга, 71), Сансет (Беренгер, 65), Уильямс (Иньяки Уильямс, 36), Наварро (Гомес, 71), Гурусета.

«Валенсия»: Димитриевски, Таррега, Эрай Джемерт, Хосе Гайя, Саравия (Васкес, 90+6), Родригес, Пепелу (Угринич, 70), Герра (Нуньес, 83), Риоха, Диего Лопес (Садик, 70), Дуро (Рамазани, 70).

Огоҳлантиришлар: Ляпорт (16), Рего (55) — Эрай Джемерт (50), Пепелу (59), Садик (88).