«Манчестер Сити» марказий ҳимоячиси Рубен Диаш Миланнинг «Интер» клубига ўтмайди. Бу ҳақда инсайдер Фабрицио Романо маълум қилди.
Диашни «Интер» билан боғлаётган миш-мишларга қарамай, бу трансфернинг амалга ошиш эҳтимоли жуда паст. Таъкидланишича, португалиялик футболчи «шаҳарликлар» кийиниш хонасидаги асосий фигуралардан бири ҳисобланади.
Диаш 2020 йилдан бери «Манчестер Сити» шарафини ҳимоя қилиб келмоқда. Жорий мавсумда 28 ёшли ҳимоячи барча турнирларни инобатга олган ҳолда 32 та ўйинда майдонга тушди ва иккита гол муаллифига айланди. Диашнинг инглиз гранди билан амалдаги шартномаси 2029 йилгача мўлжалланган. Transfermarkt экспертлари футболчининг қийматини 60 миллион еврога баҳолашмоқда.
