Мавсум давомида Матвей Сафонов "ПСЖ" дарвозасини қўриқлаш борасидаги рақобатда устунликка эришди, Люка Шевалье эса захира ўриндиғига "михланиб" қолди.
L’Equipe нашрининг маълумотларига кўра, Шевалье кейинги мавсумда ҳам иккинчи рақамли дарвозабон ролида қолишга рози бўлиши амримаҳол. Шу сабабли, у ёзги трансфер ойнаси вақтида жамоасини ўзгартириши мумкин. Бироқ, кўп нарса "ПСЖ" раҳбарияти футболчининг трансфери учун қанча маблағ талаб қилишига боғлиқ бўлади.
Қайд этилишича, "ПСЖ"нинг иккинчи дарвозабони сифатида Ренато Марин танланиши мумкин. У сўнгги учрашувларда ўзини яхши томондан кўрсатишга муваффақ бўлди. Марин Шевальенинг жароҳати ва мураббийлар штаби Сафоновга дам беришга қарор қилгани сабабли ўйин амалиётига эга бўлди.
Маълумот учун, 24 ёшли Люка Шевальенинг бозор қиймати Transfermarkt портали томонидан 30 миллион еврога баҳоланмоқда.
