Англия Премьер-лигаси 4-турининг марказий ўйинида "Манчестер Юнайтед" жамоаси "Ливерпуль"га имкониятни бой берди.
Мезбонлар ўйиннинг 5-дақиқасида Старрижнинг голи эвазига ҳисобни очишди. Жерард бурчакка яқин жойдан тўпни жарима майдончасига етказиб берди. Ҳаводаги тўп учун курашда Аггер ҳимоячидан устун келди ва тўпни дарвоза томон йўллади. Тўп эса йўл-йўлакай Старрижга тегиб, дарвоза тўридан жой олди.
Биринчи бўлим тенгкурашлар остида кечган бўлса, иккинчи 45 дақиқаликда устунлик манчестерликлар томонида бўлди. Бироқ голни нишонлаш уларга насиб қилмади.
"Ливерпуль" 3та турдан кейин юз фоизли кўрсаткич билан мусобақа жадвалини бошқариб турган бўлса, "МЮ" ҳисобида 4 очко мавжуд. Турнинг сўнгги ўйини "Арсенал" ва "Тоттенхэм" ўртасида бўлиб ўтади.
"Ливерпуль" – "Манчестер Юнайтед" 1:0 (1:0)
Гол: 1:0 – 4 Старриж.
"Ливерпуль" – Миньоле, Джонсон (Уиздом, 78), Шкртел, Аггер, Хосе Энрике, Лукас, Жеррард, Хендерсон, Аспас (Стерлинг, 60), Коутиньо (Луис Альберто, 83), Старриж.
"Манчестер Юнайтед" – Де Хеа, Джонс (Валенсия, 38), Видич, Рио Фердинанд, Эвра, Клеверли, Кэррик, Эшли Янг (Нани, 63), Гиггз (Х. Эрнандес, 73), Уэлбек, ван Перси.
Огоҳлантиришлар: Клеверли (34), Аспас (35), ван Перси (39), Кэррик (41), Эшли Янг (59), Лукас (90).