Мюнхеннинг «Бавария» клуби АПЛнинг энг яхши ҳужумчиларидан бирини қўлга киритиш учун курашда пешқадамлик қилмоқда.

Машҳур журналист Николо Скиранинг хабар беришича, Германия гранди айни дамда «Ньюкасл» аъзоси Энтони Гордонни сотиб олишга асосий даъвогар бўлиб турибди. Футболчи шу ёзда клубни тарк этиши мумкин.

Қайд этилишича, «Барселона» ҳам 25 ёшли инглиз футболчисининг хизматларига қизиқиш билдирмоқда ва унинг вазиятини диққат билан кузатиб бормоқда.

Жорий мавсумда Энтони Гордон «Ньюкасл» сафида барча турнирларда 46 та ўйинда майдонга тушиб, 17 та гол урди ва 5 та голли узатмани амалга оширди. Transfermarkt портали унинг бозор қийматини 60 миллион еврога баҳоламоқда.