Лиссабоннинг «Спортинг» клуби вингери Франсишку Тринкан Португалия чемпионатини тарк этиб, Англия Премьер-лигасига йўл олиши мумкин. Бу ҳақда Caught Offside нашри хабар бермоқда.

Манбанинг маълумотига кўра, 26 ёшли ярим ҳимоячининг хизматларига АПЛнинг икки гранд клуби қизиқиш билдирмоқда. Тринкау учун кечадиган курашда «Челси» ва «Ливерпуль» жамоалари ўзаро рақобатлашади. Қайд этилишича, футболчининг шартномасида товон пули сифатида 60 миллион евро белгилаб қўйилган.

Жорий мавсумда Франсишку Лиссабоннинг «шерлар» жамоаси сафида барча турнирларда 52 та учрашувда майдонга тушди. Ушбу баҳсларда футболчи 13 та гол ва 18 та голли узатмани амалга ошириб, юқори самарадорлик намойиш этди.

Маълумот ўрнида, португалиялик вингернинг «Спортинг» билан амалдаги шартномаси 2030 йилнинг ёзига қадар мўлжалланган.