Италиянинг «Интер» клуби бош мураббийи Кристиан Киву «Лацио»га қарши кетма-кет ўтказиладиган икки ўйин борасида гапирди. Бундан олдин «Интер» А Серия доирасида «Лацио»ни 3:0 ҳисобида мағлуб этган эди. Бугун, 13 май куни жамоалар Италия Кубоги финалида тўқнаш келишади.

— Шанба кунги ўйиннинг қайси жиҳатлари бўлажак учрашув учун фойдали бўлиши мумкин?

— Бу иккита турли хил ўйин. Қисқа вақт ичида бир рақибга қарши икки марта ўйнашнинг салбий томонлари ҳам бор. Биринчидан, кимдир шанба кунги баҳс осон кечди деб ўйлаши мумкин, аммо «Лацио»да финал учун қўшимча мотивация бўлади. Биз камтарликни ва тўғри руҳиятни сақлаб қолишимиз керак. Шу билан бирга, биз Скудеттони ва Италия Кубоги финалидаги ўринни муносиб қўлга киритганимизни унутмаслигимиз лозим. Биз бу ҳуқуқимизни имкон қадар энг яхши тарзда ҳимоя қилишни истаймиз, — деди Киву «Интер» расмий сайтига.