«Ньюкасл» вингери Энтони Гордон фаолиятини Мюнхеннинг «Бавария» клубида давом эттириши мумкин.

talkSPORT нашрига маълум бўлишича, 25 ёшли футболчи Германия гранди билан шахсий шартнома борасида келишувга эришган. Бироқ клублар ўртасидаги музокараларда жиддий тўсқинлик мавжуд — «Ньюкасл» ва «Бавария» футболчининг трансфер нархи борасида ҳали бир қарорга кела олишмаяпти.

Инглиз клуби ўз етакчисини 75 миллион фунт стерлинг (тахминан 86,5 млн евро) ёки ундан ҳам юқорироқ суммага сотишни кўзламоқда.

Маълумот учун, Энтони Гордон 2025/2026 йилги мавсумда барча турнирларда 46 та ўйинда майдонга тушиб, 17 та гол урди ва 5 та голли узатмани амалга оширди. Айни дамда «Ньюкасл» Англия Премьер-лигаси турнир жадвалида 13-ўринни эгаллаб турибди.