ЦСКА ярим ҳимоячиси Матвей Кисляк фаолиятини Англияда давом эттириши мумкин. Инсайдер Николо Скиранинг маълумотларига кўра, россиялик футболчига учта жамоа қизиқиш билдирмоқда.
Скира «ПСЖ» ҳақиқатан ҳам хавбек билан қизиқаётганини тасдиқлади, бироқ 20 ёшли футболчининг трансферини Англия Премьер-лигасининг икки жамоаси ҳам расмийлаштирмоқчи эканлигини қайд этди. Шу билан бирга, инсайдер Кислякни айнан қайси АПЛ клублари сотиб олмоқчи эканлигига аниқлик киритмади.
Матвей Кисляк — ЦСКА тарбияланувчиси бўлиб, унинг «армиячилар» билан шартномаси 2029 йилнинг 30 июнигача мўлжалланган. Жорий мавсумда ярим ҳимоячи Москва клуби сафида барча турнирларда 41 та ўйин ўтказиб, 8 та гол урди ва 8 та голли узатмани амалга оширди.
