«Манчестер Сити» ярим ҳимоячиси Матео Ковачич ёзги трансфер ойнасида клубни тарк этиши мумкин. «Шаҳарликлар» жароҳатлар сабабли жорий мавсумдаги ўйинларнинг кўпини ўтказиб юборган хорватиялик футболчини сотиш вариантини жиддий тарзда кўриб чиқмоқдалар.
Журналист Экрем Конурнинг маълумотларига кўра, футболчига Италиянинг «Милан» ва «Интер» клублари, шунингдек, Туркия ҳамда Саудия Арабистони чемпионатлари вакиллари даъвогарлик қилмоқда.
Матео Ковачичнинг «Манчестер Сити» билан амалдаги шартномаси келаси йилнинг ўрталарида ниҳоясига етади. 32 ёшли футболчининг бозор қиймати Transfermarkt портали талқинига кўра 12 миллион еврони ташкил этади.
