Украиналик ярим ҳимоячи Руслан Малиновский 2025/26 йилги мавсум якунида «Женоа»ни тарк этади. Тажрибали футболчи фаолиятини Туркия чемпионатида давом эттиради.
Инсайдер Фабрицио Романонинг ижтимоий тармоқларда хабар беришича, ярим ҳимоячининг янги клуби «Трабзонспор» бўлади. Руслан жамоа сафига эркин агент сифатида бориб қўшилади. Малиновский уч йилга мўлжалланган узоқ муддатли шартнома имзолайди.
Италия А Сериясининг жорий мавсумида ярим ҳимоячи «Женоа» сафида 33 та ўйинда иштирок этди. Украиналик футболчи ўз ҳисобига олтита гол ва учта голли узатмани ёздириб қўйди, шунингдек, ўнта сариқ карточка олди.
