«Барселона»га тегишли бўлган ва ҳозирда «Жирона»да ижара асосида тўп сураётган дарвозабон Марк-Андре тер Штеген Роберт Левандовскининг жамоадан кетиши ҳақидаги хабарга муносабат билдирди. Шанба куни польшалик ҳужумчи жорий мавсум якунида «кўк-анорранглилар» сафини эркин агент мақомида тарк этишини эълон қилган эди.

«Роберт (мен сени одатда шундай атайман, чунки бу жуда ёқимли ва расмий янграйди). «Барселона»да сен билан бирга ўйнаш мен учун катта шараф бўлди. Сен ўзингнинг меҳнатсеварлигинг, профессионализминг ва характеринг эвазига ҳамма нарсага эришдинг. Ўзинг энг яхши уддалайдиган иш — гол уришни давом эттир. Сенга ва оилангга ҳаётингнинг янги саҳифасида энг эзгу тилакларимни тилаб қоламан», — деб ёзди германиялик посбон ўз ижтимоий тармоқлардаги саҳифасида.

Эслатиб ўтамиз, Левандовски «Барса» сафига 2022 йилнинг ёзида «Бавария»дан кўчиб ўтган эди.