Лондоннинг «Арсенал» клуби ярим ҳимоячиси Мартин Субименди «ПСЖ»га қарши бўлиб ўтадиган ЕЧЛ финал учрашуви ҳақида ўз фикрларини билдирди. Ушбу тўқнашув 30 май куни Будапештда бўлиб ўтади. «Тўпчилар» ўз тарихларида илк бор энг нуфузли Еврокубокда ғолиб чиқишлари мумкин.

«Биз бу ўйинни интиқлик билан кутяпмиз. Ортда узун мавсум қолди ва биз муваффақиятга қанчалик яқин турганимизни кўриб турибмиз. Барчасини ҳақиқатан ҳам буюк натижа билан якунлашни жуда истардик. Агар буни уддалай олсак, мухлисларимизга унутилмас хотираларни тақдим этамиз. Умид қиламанки, бу такрорланмас кун бўлади», — дея Субимендининг сўзларини келтиради Daily Mail нашри.

Эслатиб ўтамиз, ярим финалда Микель Артета шогирдлари Мадриднинг «Атлетико» клубини умумий 2:1 ҳисобида мағлуб этишган эди.