Ҳужумчи Мэйсон Гринвуд шу ёзда «Марсель»ни тарк этиши мумкин. L’Equipe нашри берган маълумотларга кўра, «провансаликлар» ёзда форварднинг трансфери бўйича 70 дан 80 миллион еврогача бўлган таклифларни кутишмоқда. Ҳозирда футболчида Англия Премьер-лигасида фаолиятини давом эттириш учун ҳеч қандай аниқ вариант йўқ, шу билан бирга, унинг ўзи ҳам Саудия Арабистонига ўтишни хоҳламаяпти.
Мэйсон Гринвуд 2024 йилда «Манчестер Юнайтед»дан «Марсель»га 26 миллион евро эвазига ўтган эди. Унинг шартномаси 2029 йилнинг 30 июнига қадар мўлжалланган. Жорий мавсумда ҳужумчи Франция клуби сафинда барча турнирларда 44 та ўйин ўтказиб, 26 та гол урди ва 10 та голли узатмани амалга оширди.
