«Барселона» ярим ҳимоячиси Дани Ольмо фаолиятини Англияда давом эттириши мумкин. Fichajes нашрининг хабарига кўра, «Манчестер Сити» испаниялик футболчини ўз сафига қўшиб олишдан манфаатдор. «Шаҳарликлар» бош мураббийи Хосеп Гвардиола Ольмони шу ёзда жамоани эркин агент сифатида тарк этадиган Бернарду Силванинг ўринбосари сифатида кўрмоқда.
Дани Ольмо 2024 йилда «РБ Лейпциг»дан «Барселона»га 61 миллион евро эвазига ўтган эди. Унинг каталонияликлар билан шартномаси 2030 йилнинг 30 июнига қадар мўлжалланган. Жорий мавсумда ярим ҳимоячи «кўк-анорранглилар» сафинда барча турнирларда 47 та ўйин ўтказиб, 8 та гол урди ва 10 та голли узатмани амалга оширди. Transfermarkt портали Ольмонинг трансфер қийматини 60 миллион еврога баҳоламоқда.
